Младински совет охрид по повод светскиот ден за борба против сидата, започнува со реализација на програмата за превенција од психоактивни супстанци- алкохол, тутун и дрога.

       Програмата за превенција од психоактивни супстанци - алкохол и тутун дрога е изработена согласно универзалните принципи за унапредување на здравјето, активностите во рамки на различни нивоа на превенција, но и врз стратешките документи за сузбивање на овие проблеми кај младата популација (националната стратегија за млади на република македонија, националната стрегија за дроги, националната стратегија за хив/сида, како и акционите планови произлезени од гореспоменатите национални стратегии.
 
      Општата цел на оваа програма е спречување на настанување на проблеми поврзани со земање на психоактивни супстанции - (дрога, алкохол и цигари), допринос за што порано откривање на млади кои употребуваат психоактивни супстанции, и мотивирање на младите да престанат со користење, ублажување на негативните ефекти настанати од употреба на психоактивни супстанции.
 
      Специфичните цели се заштита на младите од употреба на алкохол, тутун и дрога и последиците од нивното користење, зголемување на свеста кај младите за проблемите и последиците од уживање на психо активни супстанци, заштита на заедницата од антисоцијално и криминално однесување поврзано со употреба на алкохолот, тутунот и дрогата и сл.
 
      Стратешка цел на програмата е унапредување на техничките услови и стручно усовршување на соработниците преку набавка на опрема и организирање на студиски патувања и воспоставување и унапредување на соработка со меѓународни партнери заради унапредување на програмата за превенција и нејзино финансирање.
 
      Програмата ќе започне да се реализира со спроведување на масовно анкетирање на 1200 млади, родители и  претставници на воспитно образовниот кадар во сите основни училишта во општина охрид. Во рамките на програмата ќе бидат испечатени едукативно пропагандни материјали, кои ќе се користат при презентациите кои ќе се реализираат во основните училишта во општина охрид. Презентациите ќе ги вршат ученици кои ќе бидат обучени преку посебен тренинг на кој ќе бидат формирани работни тимови кои ќе се потпомгнати од преставници од мвр-свр охрид и општата болница од охрид. Во рамки на програмските активности ќе се организираат и спортско рекреативни активности и хепенинзи, а исто така ќе започне да функционира и интернет советувалиште за млади.
 
      Програмата ќе се реализира со финансиска поддршка на локалниот бизнис сектор и е дел од годишните програми на младински совет охрид за 2009 година.