Младински Совет Охрид по кратка пауза повторно работи на програмата за ангажман на младите во заедницата „МЛАДИ ВО АКЦИЈА “. Новиот тим кој ја реализира програмата подготви нова програма која ја прилагоди на возраста и на потребите на децата кои се на лекување во болницата за ортопедија и трауматологија Св. Еразмо во Охрид.

Преку најразлични содржини, игри, вежби, организирано гледање на цртани филмови, читање на бајки, поезија и проза, децата во болницата ги учат боите, броевите, буквите од македонската азбука и сл, а со цел да им се доближува дел од она што можат да го видат нивните врсници, во дневниот центар ќе им се носат гости кои имаат најразлични професии, како и други деца кои ќе работат заедно со нив. Исто така ќе се запазува и концептот на организирање на посети надвор од болницата, со што програмата „МЛАДИ ВО АКЦИЈА “ ја задржува идејата за доближување на светот кој нè опкружува и на децата кои дел од својот живот го поминуваат во болницата.

Едукатори во програмата „МЛАДИ ВО АКЦИЈА“ се Наташа Џајкоска и Јане Малинкоски.