Долгорочнате цел на проектот е намалување на насилството, почитување на родовата равноправност, сузбивање на трговијата со луѓе, посебно на деца и млади и воспоставување на успешна соработка помеѓу НВО-ии институциите на системот, локалната самоуправа и центарот за социјална работа.  Специфичните цели на проектот се едукација на претставници на НВО-ии, локалната самоуправа и центрите за социјална работа за специфични области поврзани со темите кои ги опфаќа проектот, стекнување нови искуства и подигнување на свеста за еднаквост меѓу половите.

Целна група  во овој проект се членови на Младински Совет и претставници на локалната самоуправа, центарот за социјална работа, НВО-ии и млади од општина Охрид.

Проектот се реализира во две фази. Првата фаза е студиско патување во Подгорица, Црна Гора, во организацијата Сигурна Женска Куќа, со цел да се добијат нови информации , да се научат нови методи на работа, да се направи концепт за нови активности кои функционираат во Црна Гора, а се применливи во Македонија. Втората фаза ќе опфати организирање на 3 еднодневни семинари и тоа по еден за претставниците на Локалната самоуправа, Центарот за социјална работа и Млади, членови на НВО-ии и ученици во средношколските центри во Охрид.

Проектот е финансиски поддржан од Екуменска женска иницијатива, а е координиран од Флорентина Стерјовска. Асисент на проектот е Димче Каневче.