Во рамките на фестивалот Охридско лето, Младински Совет Охрид го организира летниот камп ОХРИДСКО ЛЕТО. Во рамките на кампот, 7 волонтери од 6 држави (Кореа, Русија, Германија, Чешка, Хрватска и Австрија) секојдневно се ангажирани во реализација на тековните фестивалски активности.

 

Волонтерите на кои ова им е прво вакво искуство не го кријат задоволството од можноста која им е пружена да волонтираат во еден од најпрестижните фестивали во светот, а воедно се воодушевени од убавините на Охрид и гостопримството на Охриѓани.

 

Со вклучување на интернационални волонтери во реализација на активностите, се дава нова димензија на фестивалот која ќе се настојува да стане пракса и во наредните изданија на овој реномиран фестивал.

 

Кампот се реализира под лидерство на Емилија Наумоска.