Програмата за ангажман на младите во заедницата во текот на летната сезона се спроведува во болницата за ортопедија и трауматолагија Св. Еразмо во Охрид. 10 волонтери на Младинскиот Совет Охрид секој четврток организираат едукативно-креативни работилници за децата хоспитализирани во болницата.

 

Младите во болницата ги изучуваа основните вештини за развивање на меѓусебно почитување и разбирање, развивање на позитивна слика за себе како и потикнување на чувство на сопствена вредност и човечко достоинство. Преку работилниците се развива и чувството на сигурност и заштита, чувство на самодоверба, како и позитивна свест за себе, меѓусебна доверба, почитување и разбирање на другите и личен раст и развој на перцепцијата за себе.

 

Работилниците ги организира и координира Даниела Кузмановска.