Претставници на МЛАДИНСКИ СОВЕТ ОХРИД  учесници на промоцијата на кодексот

Во присуство на градоначалниците на Охрид и Ресен, Алкесандар Петрески и Димитар Бузлески, претставник на градоначалникот на Струга, Рамиз Мерко, претседателот на Советот на општина Охрид, Владо Чингоски, членови на Советот на општината, претставници на Месните заедници и НВО, како и заинтересирани граѓани, денеска во салата на локалната самоуправа, од страна на проект – менаџерот и претставник на УНДП, Фатмир Муса и експертот Зоран Јачев, беше промовиран „Етичкиот Кодекс на Локалните функционери во Македонија“

Етичкиот Кодекс ја доби недвојбената поддршка на градоначалниците Петрески и Бузлески кои во таа смисла имаа и свои обраќања до присутните. Промоцијата на Кодексот беше заокружена со општа дискусија во која учествуваа десеттина дискутанти со свои укажувања, сугестии и прашања во однос на потребата од изработката на Кодексот, начинот на неговото имплементирање, дилемата за тоа дали е јавната свест на нивото кое овозможува да се применуваат во пракса етичките и морални норми содржани во Кодексот без истовремено да се применува законска норма односно санкција.