Со цел подигнување на нивото на свеста кај населението, а особено кај младата популација за опасноста од срцево-садовите заболувања и мозочните удари, како и значењето на здравиот начин на живеење за здравото срце, Црвен крст Охрид ја одбелезува неделата на срцево-садови заболувања.

Под мотото ,,запознај го ризикот, Вашиот начин на живот е Ваша најдобра одбрана од срцево - садовите заболувања,, активисти на Црвен Крст Охрид вршат типизирано предавање на учениците од основните училишта. Кампањата се реализира од 21 до 28 февруари, а централен настан на кампањата е организирање на велосипедски крос од центарот на Охрид до паркингот на плажата Горица 3 и хепенинг на паркингот на плажата. Центалниот настан ќе се одвива под од мотото "ТИ СИ МОЕ СРЦЕ" а во реализацијата на настанот вклучени се Црвен крст Охрид, Сојузот за училишни спортови и Младински Совет Охрид.

 

 

 

Настанот започнува во 10 часот на кејот на Охридското Езеро, кај споменикот на Св. Кирил и Методиј, а на паркингот на плажата Горица 3 предвидено е организирање на активности кои промовираат здрави животни стилови, ќе се организираат и квизови, бесплатни здравствени прегледи, квизови, ќе се спроведуваат анкети и ќе се даваат совети од стручни лица. Младите ќе можат да се вклучат во игрите не лути се човече, аеробик, влечење јаже, бадбинтон, хокеј на трева, скокање со јаже и сл.

 

Централниот настан ќе се одржи на 01 март 2008 година.