Собрание:

    Собранието на Младински Совет Охрид го сочинуваат 20 активни членови на Здружението, а  мандатот на претставниците трае една година. Собранието се состанува по потреба, а најмалку еднаш годишно. Собранието  го донесува Статутот на МСО и врши измени и дополнувања на истиот, избира и разрешува членови на Извршниот одбор (и на други органи кои здружението смета дека треба да формира) избира и разрешува членови на Надзорен орган, усвојува програмска ориентација за работа на Здружението за период од 3 години, операционизирано во Стратешки планови, програми и акциони планови, го разгледува и усвојува извештајот за работа на Извршниот одбор помеѓу две собранија, ја следи материјално-финансиската состојба на Здружението помеѓу две собранија, донесува финансиски план  и  усвојува завршна пресметка на Здружението, расправа за постигнатите резултати од развојот на Здружението и дава насоки за натамошен развој на Здружението, донесува одлуки, заклучоци, препораки за решавање на прашања од интерес на Здружението, решава за формирање на ограноци на Здружението и врши и други работи кои произлегуваат од Статутот и Законите.

Извршен одбор:

    Извршениот одбор на МСО е извршен орган на Собранието во кој секој член има еднакви права, обврски и одговорности за работењето и развојот на Здружението во согласност со Статутот.

    Извршниот одбор на МСО брои 5 членови:

•     Даниела Кузмановска - Претседавач
•     Христина Бошалева
•     Весна Цветановска
•     Кирил Павлески
•     Билјанa Митревска

      
         Извршниот одбор ги спроведува статутарните и програмските задачи на МСО, како и одлуките и заклучоците на Собранието, донесува и реализира годишна програма за работа, предлага измени и дополнување на Статутот, донесува соодветни правилници,прифаќа спогодби и склучува договори, свикува седници на Собранието и припрема материјали, именува и разрешува Секретар на Здружението, донесува одлуки за формирање на постојни комисии, и ја насочува нивната работа, организира и активно учествува во организирањето на разни акции и манифестации, донесува Одлуки за награди, пофалници и признанија, донесува Одлуки за набавка и оттуѓување на основните средства, дава согласност на Правилникот за организација на работите и работните задачи на стручната служба на МСО, донесува Одлуки по приговори и жалби, извршува и спроведува Одлуки и препораки донесени на Собранието, доколку има можност, вработува и ја надгледува работата на вработените во организацијата, врши и други работи кои произлегуваат од потребите на Статутот на Здружението и од Законот. Извршниот одбор се состанува еднаш месечно, а ако се јави потреба состаноци се закажуваат согласно на потребата.

Претседател:

    Претседател на организацијата избира Собранието на период од две години, со тоа што по истекот на периодото, може повторно да биде избран. Претседателот на организацијата во исто време е Претседател на Собранието.

    Претседател на здружението е Димче Каневче

Стручна служба на Младински Совет Охрид

         За извршување на административно - стручни, помошни и на нив слични работи од заеднички интерес за остварување на задачите и целите на МСО, се формира Стручна служба.

        Со стручната служба на МСО раководи генерален секретар кој го именува и разрешува Извршниот одбор, а правата, обврските и одговорностите за работа на вработените во Стручната служба ги утврдува секретарот на МСО во согласност со законските норми и Статутот.

         Секретарот на стучната служба раководи со работата на стручната служба и претставува работодавен орган кој ги извршува сите права и обврски кои произлегуваат од Законот за работни односи. Секретарот е наредбодател и потписник на сметката на Здружението и е одговорен за извршувањето на Финансискиот план и Програмата за работа. Исто така се грижи за благовремено извршување на одлуките и заклучоците  донесени од Собранието и Извршниот одбор. Секретарот склучува договори, спогодби во име и за сметка на МСО.

    Секретар на Здружението е Флорентина Стерјовска

Надзорен орган:          

    Надзорната комисија врши контрола над спроведувањето на одредбите од Статут и контрола за наменско располагање со средствата и приходите на МСО. Надзорната комисија се состои од три членови, кои не мора да се и членови на Здружението.
          Своите наоди и одлуки Надзорната комисија го доставува до Собранието и Извршниот одбор на МСО од Охрид.

    Членови на надзорниот орган се:

•     Оливера Василева
•     Илче Каневче
•     Катерина Стевоска