Младински Совет Охрид по трет пат ја организираше рекреативно – друштвената игра ГРАНИЧАР. Ученици од 6 основни училишта од Охрид (Григор Прличев, Христо Узунов, Братство - Единство – Лескајца и Братство Единство – крст џамија), Лескоец (Ванчо Николески) и Велгошти (Живко Чинго)  викендов го одиграа турнирот во оваа се по популарна игра. Турнирот се оддржа во ОУ Братсво – Единство – Лескајца, а победи екипата на ОУ Ванчо Николески од с. Лескоец. Второто место го освоија учениците од ОУ Григор Прличев, а третото учениците од ОУ Братство Единство – крст џамија. Младински Совет Охрид преку донаторот СЛАТКА КУЌА обезбедија освежување за сите учесници на турнирот. Судии на натпреварот беа Јане Малинкоски и Наум Ситникоски, а координатор на актиностите Катерина Каневче. Најдобрата екипа ќе учествува на регионалниот турнир во ГРАНИЧАР кој ќе се оддржи во Гевгелија, по иницијатива на Младински Совет Охрид.