Младински Совет Охрид го имплементира проектот за учество на младите во процеси на креирање политики на локално ниво. Главна цел на проектот е да се придонесе во процесот на интегрирање на родова перспектива на локално ниво, посебно во процесот на младинско учество и младинско информирање.

            Со реализација на проектните активности се очекува да се даде допринос  во имплементацијата на Акциониот План за имплементација на Националната Стратегија за Млади и акциите кои се однесуваат на подобрување на родовата еднаквост: зголемени знаења кај засегнатите страни (претставниците од Локалните Самоуправи и Здруженијата на Граѓани) за важноста од партиципација на младите мажи и жени во локалниот живот, - идентификувана моменталната ситуација за учеството на младите жени и мажи во процесите на донесување на одлуки на локално ниво како и поголема информираност и мотивација на младите жени и мажи активно да учествуваат во сите нивоа на општествениот живот

            Целни групи на проектот се членови од Локалната комисија за еднаквост помеѓу мажите и жените при Советот на општина Охрид, членови при Советот на општина Охрид, младински организации и организација која работи на полето на родови прашања.          

            Во рамите на проектот подготвена е комуникациска стратегија, со цел информирање на пошироката јавност за реалната состојба на вклученост на младите мажи и жени во процесите на донесување одлуки на локално ниво и промовирање на можностите и придобивките од нивно активното учество во општествениот  живот, организиран е семинар за младинско учество и младинско информирање на кој учествуваа тројца претставници од Охрид - соработникот за млади од општина Охрид, член на Комисија за еднакви можности помеѓу мажите и жените при советот на општина Охрид, и член на организација која работи на полето на родовата еднаквост - Женски Центар Бисера Охрид. Спроведено е мапирање за учеството на младите во процесите на одлучување, во кое теренско истражување мапирани се претставник на Локална Самоуправа Охрид, претседавачот на Советот на општина Охрид како и 5 младински организации (ЦИПЛП Порака - Охрид, Младински Совет Охрид,  Здружение на Египјани, Опција - Охрид) и организација која работи на полето на родовата еднаквост - Женски Центар Бисера Охрид. Спроведена е на Кампања „Вклучете не СЕГА“ која вклучува емитување на ТВ спот, подготовка и дистрибуција на флаери, организирана  е округла маса за утврдување на пречките за недоволното учество на младите и на која презентирана е анализата од спроведеното мапирање, а на која учествуваа 14 учесника, претставници на локална самоуправа општина Охрид, член на Совет на општина Охрид, членови на младински организации (Младински Совет Охрид, Здружение на Египјани Охрид, АИСЕК - Студентска организација, Центар за комуникација со граѓаните - Ваш пратеник - Охрид)  и организации кои работат на полето на родова еднаквост (Женски Центар Бисера), студенти и средношколци. Исто така организиран е тренинг за тренери на кој Вахид Мемед, средношколец , Ивана Хртистоска-студент, и Јасна Христоска член на АИЕСЕК, а кои спроведоа 10 работилници со средношколци, студенти и членови на младински организации на тема: работилница за едукација и мотивација на младинското учество. Со работилниците опфатени се 160 учесници. Во тек е реализацијата на активноста Поддршка на младата девојка преку менторство, преку која Јасна Христоска и Ивана Христоска волонтираат во Локалната Самоуправа - општина Охрид. Основни цели на на оваа актвност е да се даде поддршка на младите девојки со обезбедување пристап до одговорна позиција, да се еманципира и охрабри младата девојка за да се вклучи во јавниот живот и да се даде придонес во политичката култура во која мажите и жените имаат исто влијание и моќ.

            Проектот е финансиран од канцеларијата на Унифем во Македонија, Агенција за млади и спорт и Коалиција на младински организации „Сега“.