Младински Совет Охрид како членка на Коалиција на младински организации СЕГА  го имплементира проектот: Учество на младите во процесите на креирање политики на локално ниво „Вклучете не СЕГА“. 

            Проектот се имплементира во период од 7 месеци и се спроведува во четири општини во Република Македонија: Прилеп, Општина Центар – Скопје, Тетово и Охрид. Целни групи на проектот се: членови од Локалните комисии за млади и спорт и комисии за родова еднаквост меѓу мажите и жените при општинските Совети, членови на општинските Совети, младински организации и организации кои работат на родови прашања од Охрид, Тетово, Прилеп и Општина Центар – Скопје.

            Главна цел на проектот е да се придонесе во процесот на интегрирање на родова перспектива на локално ниво, посебно во процесот на младинско учество и младинско информирање.

            Како очекуван резултат е придонес во имплементацијата на Акциониот План за имплементација на Националната Стратегија за Млади и акциите кои се однесуваат на подобрување на родовата еднаквост, зголемени знаења кај засегнатите страни (претставниците од Локалните Самоуправи и Здруженијата на Граѓани) за важноста од партиципација на младите мажи и жени во локалниот живот, идентификувана моменталната ситуација за учеството на младите жени и мажи во процесите на донесување на одлуки на локално ниво, поголема информираност и мотивација на младите жени и мажи активно да учествуваат во сите нивоа на општествениот живот

            Исто така целта на проектот е информирање на пошироката јавност за реалната состојба на вклученост на младите мажи и жени во процесите на донесување одлуки на локално ниво и Промовирање на можностите и придобивките од нивно активното учество во општествениот  живот.       

            Во изминатиот период реализирани се следните активности: изготвена е комуникациска стратегија, организиран е семинар за младинско учество и младинско информирање на кој учествуваа по еден претставник од Локална Самоуправа, од Совет на општина Охрид и од Центар на жени Бисера - Охрид. Спроведено е мапирање за учество на младите во процесите на одлучување.

            Активности кои се предвидени да се реализираат се: спроведување на камања „Вклучете не СЕГА“ која вклучува изготвуваање и емитување на ТВ спот, подготовка и дистрибуција на флаери, организирање на округла маса за утврдување на пречките за недоволно учество на младите, организирање на тренинг за тренери, организирање на работилници за едукација и мотивација на младинското учество и организирање на јавна трибина на тема: „Учество - дали општината има потреба од младинско учество“.