Најмладите волонтери имаа прилика да бидат дел од предавањата кои ги организираат членовите на едриличарскиот клуб  АМАК БОФОР СП и да ги научат основните вештини и техники за припрема на едрилицата за едрење, начините на едрење, ветровите кои дуваат во охридскиот регион, како и за однесувањето при едрењето.

Исто така, на младите волонтери им беше овозможено и практично да едрат, и стекнатото знаење да го пренесат практично, едрејки во едрилиците ОПТИМИСТ во водите на езерото.

За сите учесници на часовите по едриличарство, Младински Совет Охрид, од донаторот СЛАТКА КУЌА, обезбеди освежување.

Часовите по едриличарство се реализираат втора година и предизвикуваат големо внимание и интерес кај најмладите волонтери на Младински Совет Охрид.