Младински Совет Охрид, како член на коалицијата на младински организации СЕГА запончнува да го имплементира проектот ,, ИМПЛЕМЕНТАЦИЈА НА ПРАВАТА НА ДЕТЕТО ВО РЕПУБЛИКА МАКЕДОНИЈА,,.

Целта на проектот е да се добие реална слика за имплементацијата на Конвенцијата за правата на детето во областите партиципација, образование легислатива/правна рамка и слобода на изразување на децата. Главните активности преку кои ќе се реализира проектот се: спроведување на истражувања, анализа на податоците кои ќе се добијат од спроведеното анкетирање, како и подготовка на алтернативен извештај со формулирани препораки и нивна презентација пред Комитетот за правата на Децата на ОН, во Женева во 2010 година.

Проектот се реализира во 14 градови во Република Македонија, а Младински Совет Охрид, предвидените активности ќе ги реализира во општините Охрид, Струга и Ресен. Во истражувањето вклучени се Кирил Каневче, Џана Буш и Драган Петрески кои ќе анкетираат 140 ученици на возраст од 13 до 17 години од различна националност, како и мапирачите Јане Малинковски, Наташа Џајковска, Билјана Митревска, Илче Каневче и Соња Фузевска, кои ќе извршат мапирање на локалните институции кои се вклучени во решавање на проблемите на децата. Преку организирање на фокус групи, активно ќе бидат вклучени и родители кои ќе дадат свое мислење околу имплементацијата на Конвенцијата.

Проектот ќе се реализира до крајот на 2009 година, а финансиски е поддржан од фондацијата ,,Песталоци.,,.