Со организирање на информативни работилници за младите на возраст од 15 до 18 години на кои се врши презентација на Европската Повелба за учество на младите луѓе во локален и регионален живот, како и со организирање на семинари за претставници на здруженија на граѓани, политички подмладоци, средношколски и студентски организации на кои се едуцираат за младинско учество и младинска политика, лобирање и застапување за младински проблеми, Младински Совет Охрид ги зајакнува капацитетите на младите во општината. Капацитетите на младите луѓе во Охрид во МСО ги зајакнуваат и со организирање на обуки за полесен пристап до вработување, на кои заинтересираните се обучуваат да изработат CV и мотивациони писмо , а исто така се подготвуваат за интервју за работа и јавување на оглас за работа.

Младите, претставници на различни организации, ќе формираат координативно тело кое ќе работи на иницирање на решавање на проблемите и потребите на младите, како и формирање на младинско консултативно тело кое ќе брои 7 членови.

Младински Совет Охрид започнува да функционира како МЛАДИНСКИ ИНФОРМАТИВЕН ЦЕНТАР во кој младите имаат можност да добијат но и да споделат имформации од областа на спортот, културата, уметноста, вработубањето, претприемништвото, превенцијата и здравствена заштита и сл.

Проектот се реализира во партнерство со коалицијата на младински организации СЕГА, а финансиски е поддржан од Владата на Република Македонија.