Здружението е формирано на 8 декември 1999 година, а како правен субјект започна да функционира на 24 фебруари 2000 година.

Мисијата на здружението е пренасочување на курсот на младата популација кон активностите кои ги пружаат невладините организации, а истовремено овозможуваат многу забава, дружење и комуникација.

Основната дејност на  здружението е афирмирање и активирање на младите кон промоција на нивниот интерес во рамките на основните цивилизациски придобивки, промовирање на креативноста и иницијативноста во културата, науката, образованието и  општеството воопшто, застапување, унапредување и заштитување на научните, културните и другите контакти во рамките на меѓународното младинско делување, популаризација на Македонското културно наследство, народното творештво, традициите, културните убавини, македонската историја, наука, како и сите аспекти на Македонското општество како во Македонија така и во меѓународни размери, развивање на солидарноста во средината во која се делува, заштита на човековите права и човековата слобода, отфрлање на насилството, комуникација, соработка и солидарност, како и развивање на не насилните методи како единствен услов за заштита на слободата, остварување на правдата и постигнување на демократска, економска, социјалната и еколошката благосостојба за сите подеднакво.

Со Младинскиот Совет на Охрид како највисок орган раководи Собранието, а од редовите на своите преставници се избира Извршен Одбор, кој претставува извршен орган на Собранието. Младинскиот Совет на Охрид од своите редови избира Претседател, а здружението го застапува и Генералниот Секретар.

За успешно работење Младинскиот Совет на Охрид изработува годишна програма за работа, а работата односно реализирањето на предвидените активности ги реализира со работа по сектори. Младинскиот Совет на Охрид своите активности ги спроведува преку: секторот за млади и заштита од пороци, секторот за екологија и заштита на животната средина, секторот за мир, демократија и заштита на човекови права, женскиот сектор, хуманитарниот сектор, секторот за меѓународна соработка и секторот за спорт, култура и уметност. Секој сектор има раководител, а за реализација на проектите се вклучуваат волонтери.
   
Во периодот од формирањето до денес здружението има изработено повеќе проекти кои наидоа на голем интерес посебно кај младата популација од кои  најзначајни се:

• Едукативна кампања насловена како ,, Да ги заштитиме младите од пороци”
• ,, ... затоа што и децата имаат свои права,,
• Хуманитарна акција,, Велигденско јајце,, по повод Велигденските празници;
• Тридневен семинар на тема: демократија, идентитет, конфликти и толеранција ;
• Тридневен ЕКО ХЕПЕНИНГ по повод 5ти јуни денот на екологијата;
• ,За Охрид со љубов и чисто срце,,
• ,, Заокружи и добиваш,, едукативна кампања по повод Локалните Избори;
• ,,ГИГАНТ,, - набљудување на Локалните Избори;
• ,,За Охрид каков што го сакаат младите,,
• Центар за деца и младинци ВАВИЛОН;
• Екохепенинг - ден на планетата земја;
• Децата рекоа НЕ за пушењето !
• Еколошки мировни игри-ден на екологијата;
• За насилството нема оправдување
• ,,Чекот по Чекор до демократија,,
• Мир за Македонија
• ,,Туристичко-еколошки БОН-ТОН,,
• ,,Еко три ,,Б,,
• ,,Сообраќајна култура,,
• Копнежи мечти далечини
•  МИРамиДА
• Охридска МИРамиДА
• Охрид каков што не го знаете
• Волонтери-драгоцени соработници

а во рамките на кампањата за домашно набљудување на парламентарните избори 2002 година во рамките на Г.А.  МОСТ реализирани се:

• Провери - проект за проверка во избирачкиот  список
• Кодекс на однесување на Политичките Партии
• Да ги набљудуваме изборите

    Во партнерство со ,,Меглен 2002,, во 2003 година реализирани се следните проекти и активности:

• Хуманитарна Новогодишна акција (за Специјална детска болница)
• Новогодишен маскембал
• Каспер квиз
• Хуманитарна собирна акција за полавените Роми во Велес
• Хуманитарна собирна акција за Специјална Детска Болница во Охрид
• Хуманитарна акција ,,Ова срце сака и понатаму да чука,,
• Хуманитарна собирна акција за Ромите кај Меџитлија

    Младинскиот Совет на Охрид, односно активисти на организацијата вклучени се во реализација на проектите ,,Македонија без шенген,, и ,,Школа за демократија,, како и проектот ,,Мобилен Парламент, кој се реализира во партнерство со ,,МОСТ,, домашно набљудување на Претседателските избори, и Референдумот 2004, а во моментот работиме на кампањата за набљудување на Локалните избори 2005.