Програмата ,,МЛАДИ ВО АКЦИЈА ,, која Младински Совет Охрид ја реализира во ДНЕВНИОТ ЦЕНТАР во костозглобната болница, секојдневно се збогатува со нови содржини. Децата кои се со престој во болницата подолго време, а и оние кои привремено доаѓаат, со голема радост ги пречекуваат волонтерите на Младински Совет Охрид, кои три пати во неделата организираат едукативни, креативни, спортски и рекреативни содржини.

ЈЗУ Општа болница, Специјална болница за за ортопедија и траумотологија Св. Еразмо - Охрид, ЈОУ Детска градинка ,,Јасна Ристеска,, ОУ Св. Климент Охридски, Градска библиотека ,,Григор Прличев,, ,,ПОРAКА,, и ,,ОПЦИЈА,, од Охрид се првите институции и здруженија на граѓани кои согласно Законот за волонтерство, преку Локалниот Волонтерски Сервис на Младински Совет Охрид ќе примат волонтери во периодот декември 2008-март 2009 година.

ЛОКАЛНИТЕ АКЦИОНИ МЛАДИНСКИ ПЛАНОВИ за Охрид и Струга, кои Младински Совет Охрид ги подготвува веќе 7 месеци се спремни да се достават до општинските совети.

 

После јавната расправа во Охрид, локалната самоуправа формираше работна група која на заеднички состанок со претставници на Младински Совет Охрид ги усогласи ставовите и мислењата во врска со документот и истиот е предаден на локалната самоуправа со цел да биде ставен на дневен ред на седницата на Советот која ќе се оддржи на 28 ноември 2008 година. 

На финалниот натпревар во турнирот во мал фудбал за деца од 12 до 15 години, што се одигра во спортстската сала "Билјанини извори" во Охрид,  екипата на ОУ Братство Единство "ЛУНА" го освои победничкиот пехар.

Пред повеќе од 500 гледачи, љубители на фудбалот, претежно ученици од сите основни училишта во Охрид, екипата ,,ЛУНА" ја порази екипата ,,Фортуна ЈИК Маркет" со резултат 5:4 (одигрувајки ги регуларните 40 минути со резултат 1:1, двете продолженија од по 5 минути со резултат 2:2 и шутирајки по 3 пенали со резултат 3:2)

Во рамките на програмата за ангажман на младите во заедницата ,,МЛАДИ ВО АКЦИЈА,, Младински Совет Охрид, за децата од болницата за ортопедија и трауматологија Св. Еразмо од Охрид, организираше посета на претставата ПЕПЕЛАШКА.