Делегација на ОБСЕ, предводена од Амбасадорот Кнут Волебаек, од Високиот Комесаријат за Национални Малцинства од Хаг, имаше работна вечера со претставници на Младински Совет Охрид. На работната вечера што се оддржа во ресторанот Св. Софија во Охрид беше дискутирано за активностите на Младински Совет Охрид, како и за можностите за соработка на полето на образованието, човековите права, политичкиот дијалог и сл. Средбата беше искористена за дискусија посветена на проблемите помеѓу македонските и албанските ученици во средношколските центри во Струга, за престојните локални и претседателски избори, како и за проблемите и потребите на младите во општина Охрид.

На донаторски коктел, кој се оддржа во хотел Тино, на 23.01.2009 година, Младински Совет Охрид ги презентираше резултатите од реализација на младинските програми во 2008 година, а беа промовирани и младинските програми за 2009 година.

Волонтерите на Младински Совет Охрид го организираа новогодишниот ,,пазар,, во дневниот центар во болницата за ортопедија и трауматологија Св. Еразмо. Целта на овој настан беше да се запознаат вработените во болницата со активностите кои се реализираат во овој центар и со свои донации да го поддржат неговото понатамошно функционирање.

Со посебно задоволство Ве информираме дека Младински Совет Охрид со проектот ,,ГО САКАМ ОХРИД,, е дел од програмата за култура на Министерството за култура на Република Македонија за 2009 година.

По повод доаѓањето на Новата 2009 година, волонтерите на Младински Совет Охрид организираа забава за децата кои ги користат услугите на Дневниот центар во болницата за ортопедија и трауматологија ,,Св. Еразмо во Охрид.