Градоначалникот на општина Струга, г. Рамиз Мерко, Претседавачот на Советот на општина Струга г. Сејфула Хани, како и координаторите на советничките групи во советот на општина Струга  Бекир Баута (ДПА), Бујар Хоџа (ДУИ), Илија Мацески (СДСМ), Симон Алексиески (ЛДП), Станислав Буклиески (ВМРО ДПМНЕ-ВМРО НП) и Зуфер Арслани (ПДП), ја дадоа поддршката пред усвојувањето на Локалниот Акционен Младински План за општина Струга.

Младински совет охрид по повод светскиот ден за борба против сидата, започнува со реализација на програмата за превенција од психоактивни супстанци - алкохол, тутун и дрога.

Програмата за превенција од психоактивни супстанци - алкохол и тутун дрога е изработена согласно универзалните принципи за унапредување на здравјето, активностите во рамки на различни нивоа на превенција, но и врз стратешките документи за сузбивање на овие проблеми кај младата популација (националната стратегија за млади на република македонија, националната стрегија за дроги, националната стратегија за хив/сида, како и акционите планови произлезени од гореспоменатите национални стратегии.

Повеќе од 400 љубители на фолклорот го посетија добротворниот мултиетнички концерт кој Младински Совет Охрид го организираше како дел од активностите за прибирање на средства за реализација на програмата за превенција од психоактивни супстанци – алкохол, тутун и дрога.

Младински Совет Охрид во салата на општина Струга ја одржа јавната расправа по работната верзија на Локалниот Акционен Младински План за општина Струга. На јавната расправа беа поканети 70 претставници на релевантни институции кои работат со и за младите, а учество зедоа 30 претставници на локалната самоуправа на општина Струга, советници,  Центар за социјални работи – дневен центар за корисници на дрога – Охрид, МВР СВР Охрид, сектор за превенција, Полициска станица Струга, ЈЗУ Општа болница, СДСМ Струга, ЈЗУ Здравствен Дом Струга, Црвен крст Струга, 5та приватна гимназија Струга, основни и средни училишта во Струга, Национална установа музеј на Струга, Центар за култура Струга, здруженија на гражани, политички подмладоци и медиуми (ТВМ и Калтрина).

На иницијатива на Младински Совет Охрид, а како дел од проектот за промоција на мултикултурата во Република Маедонија, раководен од ЦИД – Куманово, а финансиски поддржан од мисијата на ОБСЕ во Република Македонија, организирана е мултиетничка вечер. 25 млади, Македонци, Турци, Албанци и Египќани, ги презентираа своите етнички заедници, промовирајки ја социјалната, материјалната и духивната култура, обидувајки се да ги најдат сличностите врз кои треба да се темели соживотот на младите во општина Охрид, што ќе претставува пример за заедничко живеење во регионот.