Во партнерство со Центарот за интеркултурен дијалог од Куманово, Младински Совет Охрид се вклучува во проектот ,,Целебратинг мултицултуралисaм,,. Целта на проектот е организирање на активности од областа на културата, кои ќе го промовираат мултикултурализмот, организирање на младите и нивна подготовка за почитување на разликите помеѓу различните етнички групи, нивно заедничко ангажирање и креирање на мултикултурни политики.

Под мотото ,,ЦРНО И БЕЛО,, Младински Совет Охрид, го организираше завршниот хепенинг во рамките на кампањата за промоција на различноста, човековите права и партиципацијата, ,,СИТЕ РАЗЛИЧНИ-СИТЕ ЕДНАКВИ,, што Советот на Европа ја реализира во повеќе од 40 држави. Хепенингот се оддржа на градскиот плоштад Св. Климент Охридски во Охрид со поставување на промотивни штандови на кои беа изложени производи од работилницата за изработка на накит, курсот за фотографија и литературната работилница.

Претставници на Младинскиот Совет Охрид во рамките на проектот за соработка помеѓу Република Македонија и Република Франција, кој го реализираат Коалицијата на младински организации СЕГА и Европска куќа од Каен, учествуваа на  шест дневно студиско патување на Северна Нормандија (Франција).

Во рамките на програмата за развој на рекреативнит спорт, Младински Совет Охрид го организираше вториот велосипедски крос.