Од 20 до 23 март 2008 година, во рамки на проектот за насилство во адолесценска врска, се одржа семинар со работен наслов "Темната страна на љубовта". Во текот на 4те работни дена 16 учесници, средношколци, претставници на 4 младински здруженија Младински Културен Центар од Битола, Фокус од Ресен, Парумба МКД од Струга и Младински Совет Охрид ги совладуваа вештините за активно слушање, комуникација, ЈАС говор, перцепција и моќ и сл. Програмата се реализираше преку 5 модули односно тематски целини: љубов и врска, род и пол, моќ и насилство во врска, вештини потребни за воспоставување и одржување на квалитетна врска и човекови права - право на живот без насилство.

Од 12 до 14 март 2008 година, претставниците на Младински Совет Охрид: Димче Каневче, Даниела Кузмановска и Билјана Митревска учествуваа на средбата за вмрежување на 14те организациикои во изминатиот период работеа на проекти за развој на филантропијата, раководени од Центарот за институционален развој , поддржани преку програмата за грантови за филантропија.

Во присуство на градоначалниците на Охрид и Ресен, Алкесандар Петрески и Димитар Бузлески, претставник на градоначалникот на Струга, Рамиз Мерко, претседателот на Советот на општина Охрид, Владо Чингоски, членови на Советот на општината, претставници на Месните заедници и НВО, како и заинтересирани граѓани, денеска во салата на локалната самоуправа, од страна на проект – менаџерот и претставник на УНДП, Фатмир Муса и експертот Зоран Јачев, беше промовиран „Етичкиот Кодекс на Локалните функционери во Македонија“

Акцијата ,,ДЕН НА ДРВОТО-засадија својата иднина,, успешно е реализирана и во Охрид. Повеќе од 2000 граѓани, ученици, студенти, претставници на НВО-ии, засадија 20.000 садници на две локациции Мауцкер и Требеништа.