Младински Совет Охрид во рамките на проектот за подготовка на ЛОКАЛЕН АКЦИОНЕН МЛАДИНСКИ ПЛАН го организираше првиот форум за млади на кој учество зедоа 30 преставници на исто толку институции и организации кои работат намолето на младите и младинската политика во општина Охрид.

Во рамките на фестивалот Охридско лето, Младински Совет Охрид го организира летниот камп ОХРИДСКО ЛЕТО. Во рамките на кампот, 7 волонтери од 6 држави (Кореа, Русија, Германија, Чешка, Хрватска и Австрија) секојдневно се ангажирани во реализација на тековните фестивалски активности.

Програмата за ангажман на младите во заедницата во текот на летната сезона се спроведува во болницата за ортопедија и трауматолагија Св. Еразмо во Охрид. 10 волонтери на Младинскиот Совет Охрид секој четврток организираат едукативно-креативни работилници за децата хоспитализирани во болницата.

Во рамките на програмата „МЛАДИ КРЕАТИВЦИ“ Младински Совет Охрид, ја организира летната школа за изработка на накит. Летната школа ја посетуваат 15 млади кои дел од слободното време сакаат да го поминуваат дружејки се меѓу себе, совладувајки ги вештините и техниките за изработка на накит, се запознаваат со материјалите и алатките кои се користат за изработка на накит.